Abo ku e kandidato a yega un akuerdo tokante di kondishonnan di trabou? Pues ta momento pa firma un kontrato laboral. Abo komo dunadó di trabou mester pensa kiko bo ke: bo ke sera un kontrato pa tempu definí (por ehèmpel un aña), òf bo ke tuma e kandidato mesora den empleo fiho, pues pa tempu indefiní?
Mayoría biaha un kontrato pa tempu definí ta wòrdu skohé promé, anto despues ta sera un kontrato pa tempu indefiní (of pa tempu definí atrobe). Esaki ta un bon manera pa wak kon e empleado nobo ta traha, si e ta pas den e kompanía òf den tim, etc. Un kos ku mester tene na kuenta si, ora bo skohe pa esaki, ta ku un kontrato temporal ta mas difísil pa bo terminá promé ku tempu, si bo no tin un klóusula den e kontrato pa e posibilidat di terminá interinamente. Esaki ta otro ku un kontrato pa tempu indefiní, ku si por terminá aunke no tin klóusula pa terminashon den e kontrato (basta tin bon motibu). Pues korda semper pa inkluí un klóusula den kualke kontrato laboral, ku e posibilidat pa terminá interinamente.
Pa mas informashon, tuma kontakto ku nos via email info@justacuracao.com òf riba 675-0610